நம் சேலம் நம்பிக்கை வாசல் டிரஸ்ட் சார்பில் காந்தியடிகள் பிறந்தநாள் சிறப்பு நிகழ்வாக அழகோவியம் 2024 எனும் தலைப்பில் சேலம் தமிழ்ச்சங்கத்தில் pre kg முதல் 9 ஆம் வகுப்பு வரையிலுமான பள்ளி மாணவ மாணவியருக்கு ஓவியப்போட்டி மற்றும் கையெழுத்து போட்டிகள் நடைபெற்றன.
இயற்கை, தேசியக்கொடி, மரமும் மனிதமும், இந்திய வரலாற்றுச் சின்னங்கள் எனும் பல்வேறு தலைப்புகளில் ஒரு மணிநேரம் நடைபெற்ற இந்தப் போட்டியில் 300க்கும் மேற்பட்ட மாணவ மாணவிகள் பங்கேற்று தங்கள் திறமைகளை ஆர்வமாக வெளிப்படுத்தினர்.
அமைப்பின் தலைவரான கவிஞர் ஏகலைவன், செயலாளர் திரு மோகன், பொருளாளர் திரு சங்கர் மற்றும் போட்டி நடுவர்கள் திருமதி புவனேஸ்வரி கவிஞர் கோபிநாத் உள்ளிட்ட உறுப்பினர்கள் விழா ஏற்பாடுகளை சிறப்பாகச் செய்து, பங்குபெற்ற எல்லா மாணவர்களுக்கும் சான்றிதழும், பதக்கமும் வழங்கி பாராட்டினர்.
மேலும், மிகச்சிறப்பாக வரைந்திருந்த குழந்தைகளுக்கு விருதுகள் வழங்கி சிறப்பு செய்திருந்தனர். ஆதரவற்ற முதியவர்களின் நலனுக்காக மேற்கொண்ட இந்த போட்டி சிறப்பாக நடத்த உதவிய பொதுமக்களுக்கு நம்பிக்கை வாசல் அமைப்பின் சார்பில் நன்றி தெரிவித்தனர்.
